Прэзідэнцкая бібліятэка Рэспублікі Беларусь выступіла інфармацыйным партнёрам гэтай падзеі, падрыхтаваўшы кніжна-дакументальную выставу “Волаты зямлі палескай”. Многія з прадстаўленых кніг, такія як "Сэрца на далоні", "Гандлярка і паэт", "Снежныя зімы", "Глыбокая плынь" падпісаны самімі аўтарамі, якія ахвотна дарылі свае творы калегам па рамяству, бібліятэкам і адданым прыхільнікам.

Цэнтральнае месца выставы займаюць сапраўдныя касцюмы, прадстаўленыя Нацыянальнай кінастудыяй "Беларусьфільм". Беларускія кашулі, жаночыя сукенкі з нацыянальным арнаментам дазваляюць акунуцца ў атмасферу сапраўднай беларускай глыбінкі, пра якую нярэдка пісалі Мележ і Шамякін, а таленавітыя кінематаграфісты пераносілі створаныя імі вобразы на шырокі экран. Экспазіцыя раскрывае літаратурную спадчыну класікаў, падкрэсліваючы іх уклад у захаванне гістарычнай памяці і духоўнай ідэнтычнасці беларускага народа.

Прапануем азнаёміцца з відэапрэзентацыяй, прысвечанай выдатным дзеячам І.Шамякіну і І.Мележу.