Адбылася прэзентацыя новага выдання “Выбраныя творы” (Мінск, “Мастацкая літаратура”, 2026). Гэта раманы “Цяпло маладзіка” і “Па веры вашай…”. Кніга выйшла ў серыі “Лаўрэат Нацыянальнай літаратурнай прэміі”.

– Мае героі адстойваюць подзвігі бацькоў і дзедаў у савецкі перыяд, у час вайны, лічаць немагчымым дапусціць нават думку даравання фашысцкім прыхвастням-паліцаям за ўчыненае на нашай зямлі. Яны перакананы, што Беларусь – краіна герояў, а не паліцаяў, як гэта лічаць асобныя адшчапенцы. Я сваімі творамі пераконваю чытача: адседжвацца ў кустах, пакуль пішацца сённяшняя гісторыя, не атрымаецца, калі ў цябе Беларусь у сэрцы, - падкрэсліў парламентарый і пісьменнік.

Акрамя гэтага, Уладзімір Гаўрыловіч шчыра падзяліўся з гасцямі сваімі думкамі пра літаратуру і жыццё. Уладзімір Мікалаевіч расказаў пра родны кут, дзе прайшло яго дзяцінства, пра тое, як пачаў пісаць і хто паўплываў на яго творчы шлях. Таксама аўтар шмат распавёў пра сваю сучасную дзейнасць – дэпутацкую, літаратурную і грамадскую.
Госці сустрэчы задавалі пытанні і мелі магчымасць пагутарыць з пісьменнікам у цёплай атмасферы. Сустрэча пакінула шмат яркіх уражанняў на ўдзельнікаў мерапрыемства.
Аўтар падараваў бібліятэцы больш 50 мастацкіх выданняў – вынік яго працы і калег па творчасці ў межах беларуска-расійскіх творчых праектаў і фестываляў.